Kaap Agri Namibië
Die Plek Waar Mense Steeds Saakmaak

Kaap Agri Namibië bedien reeds die Namibiese gemeenskap vir meer as 'n dekade, sedert ons eerste Agrimark winkel sy deure geopen het.

Vandag strek ons netwerk al die pad vanaf Grünau tot Ondangwa, met elke winkel wat die vlak van persoonlike diens en kwaliteit lewer waaraan ons kliënte oor die jare gewoond geraak het.

Ons is baie meer as net ‘n plaaslike handelaar, ons bied groot besparings op kwaliteit produkte en dienste. Ons is trots daarop om vriendelike diens aan al ons kliënte te lewer.

Ons bied alles van besproeiingssisteme, tuinbou gereedskap, veevoer en troeteldier toebehore. Verder bied ons ook hoë gehalte boumateriale, hardeware, omheining sowel as brandstof en smeringsmiddels, buitelug- en kampeertoerusting.

Ons Agrimark handelsnaam reflekteer ons landbou erfenis en kleinhandel ambisies. Agrimark vier en bemark 'n landelike leefstyl. Ons posisionering gaan baie verder as net n sekere teikengroep en ons bou verhoudings met kliënte deur ‘n mededeling van leefstyl, houding en passie. Die agri-leefstyl is wat ons uitsonder en anders maak in die kleinhandel mark. Ons is vir boere, families en vriende.